身為bma市場推廣部副總裁的Janis，早前趁有兩個月假期，遊走北京、布吉及台南等地，雖然在旅程中沒有瘋狂掃貨，但她與親朋摯友仍享受了一場快樂旅程。Janis表示現今網絡發達，足不出戶亦能找到大部分旅遊資訊，但「實地考察」更見真實：「睇相同親身感受係兩回事，因為我好鍾意同屋企人、朋友去旅行，過程中會發生好多難忘事。好似今次去台南，目的係探一位識咗多年嘅好朋友，雖然大家可以用MSN傾偈，但點都唔及見面親切！」在台南拜訪好友的她，更邊踩單車邊看風景，隨心所欲四處走。

Janis去旅行時，喜歡漫無目的四圍走，而最好的伴侶當然是單車。

Janis到台南探訪好友，更偷偷將一封信放在好友的信箱內。

偕家人玩轉北京

家庭觀念甚重的Janis，遊走台南後，先後與家人到北京及布吉，更與家姐及朋友在布吉慶祝生日，問到生日願望時，她說：「希望一家人開開心心，自己工作順利！其實好耐冇同屋企人去旅行，所以大家都好開心，最開心係同家姐去布吉，佢仲幫我慶祝生日，真係好難忘！」 文：呂曉風