樂基兒（Gaile）前晚為《Gioiello Italiano意大利珠寶薈萃》擔任模特兒，身穿晚裝長裙的她佩戴百萬鑽飾，格外明亮照人。提到女人大多喜愛珠寶鑽飾，Gaile坦言昂貴與便宜的也同樣喜愛：「我冇話鍾意邊類型飾物，每季興邊類咪買啲收藏！（屋企有過百件飾物？）唔知！但真係好多，最多係耳環，因為少唔見！戒指好多時做嘢放低咗又唔記得戴番。（結婚戒指呢？）哈哈！所以我咪唔戴囉！（放喺保管箱？）唔係！（平時出街先戴？）一時時，總之我唔使做嘢時，你哋見唔到我戴啫！（幾多卡？）唔講你知！」

難忘黎明送香水

Gaile還表示老公Leon很少送飾物給她：「我鍾意自己揀多啲！（買飾物畀老公？）見到都會買！（老公送過驚喜畀你？）試過喺飛機度送Duty Free香水囉！因為空姐叫佢買，佢就買嚟送畀我呀！」

另外，擔任司儀的楊洛婷佩戴誇張首飾，笑言如戴上嫁妝，問到何時與男友結婚？她坦言未有計劃：「我同男友拍拖三年幾。（秘密結婚？）梗係唔會！我守唔到秘密！」

文：名人組