林敏驄前晚在九展舉行《林敏驄好歌好友演唱會09》，阿驄將個唱變成「棟篤笑」，除將曹格和側田街頭互毆事件搬上台，連兩位嘉賓陳奕迅（Eason）和關淑怡（Shirley）亦冇面畀照辣！Eason慘被阿驄將「撞蛋事件」與側田相提並論：「側田同你一樣都冇咗一半（單蛋），但你哋一齊出嚟就會變得完整。」令Eason和觀眾大笑！
其後，Shirley以「神秘嘉賓」身份出現，阿驄即問她早年在拉斯維加斯秘密結婚一事，令她即時面黑！她說：「吓，你想娶我？你唔係想娶我嘛？」阿驄即駁嘴：「咁都要我啃？」接着，Shirley兩度一臉嚴肅地說：「我唔使解釋！」阿驄還死纏爛打地說：「從來冇人知佢老公係邊個……不過唱歌啦！佢就嚟用高踭鞋『車』我！」
其實阿驄演唱會的嘉賓還有太極、杜麗莎、Bro 5及Mr.等，陣容強勁。捧場藝人則有薛家燕及大女石祏珊，其前妻陳伶俐及兩名兒子則不見蹤影。