天華與太太Tina之前因負面新聞激到一肚氣，但無損二人到馬爾代夫旅行的心情，面對陽光與海灘，剛考牌不久的他們手拖手潛水，天華不諱言有少許Honey Moon的感覺，他說：「我唔係好緊張（潛水），反而太太緊張啲，所以為安全着想，都請咗個教練傍住我哋！（太太有冇食飽先落水？）梗係食咗嘢先，仲唔怕咩？」

放大圖片	謝天華在無人島上盡情裸曬，大嗌過癮。

曬走千年泳褲印

另外，天華表示於當地以數百美元租了一個島嶼四小時，一嘗做島主滋味。問他有否裸曬，他直說：「梗係有，喺其他地方冇機會，我真係未試過，仲將個千年泳褲印曬走咗添！依家全身嘅膚色都好均勻。嗰個島其實唔係好大，但就一個人都冇，之前會有人同我哋準備晒啲食物，夠鐘就會有船嚟接我哋，喺嗰度做乜都得。」問他早前的新聞對今次旅程有否影響，他說：「基本上我哋一上飛機就乜都唔記得晒，全情投入呢個Trip，太太嘅身體都冇事，大家玩得好開心。」