以短裙亮相的阿Sa，聯同鄭伊健、郭富城及唐嫣為《風雲Ⅱ》的主題影院揭幕，期間一名束「伊健頭」的影迷突然上台向伊健獻花，但他未有被A貨嚇窒，更不慌不忙收下花束。而阿Sa表示做足防走光措施：「今日着咗兩條打底褲，一條底裙，我條裙好短！頭先個男人衝上台，我冇驚，反而覺得搞笑！佢個髮型好似伊健，望真啲又似古巨基！（你話鄭中基？）咩呀？我冇講錯！（點睇鄭中基女嘅報道？）冇睇！我都成日仔啦！對眼生出嚟係望嘢嘅，控制唔到！」

阿Sa與唐嫣（左）密密斟，莫非在交流演戲心得？	城城揭幕時扮鬼扮馬，令阿Sa（左）及唐嫣忍俊不禁。	「A貨伊健」（右）上台獻錯花，令伊健大感愕然。

唐嫣城城冇得親熱

她又笑言伊健的樣貌十年如一日，未知是否吃了防腐劑？伊健笑說：「我同郭富城食埋同一隻防腐劑！阿Sa都變靚咗同識打扮咗！（個男人其實想送花畀唐嫣！）吓？佢明明係想送花畀我㗎喎！」而城城則狠批自己十年前的演技未夠完美：「我依家多咗男人味，話晒40歲，Man啲！我唔介意畀人睇到皺紋，十年前我太白淨，麒麟臂又肥，依家Fit晒！」至於與城城有感情線的唐嫣，大呻無緣與他拍親熱戲。