因夜會曹格而捲入「曹側街頭肉搏」漩渦的楊秀惠，昨日出席EMAX活動時表示當晚雖然曾與他們二人見面，但因提早離開，故未知事情經過，她表示已SMS他們，但他們未有回覆。對於受到牽連，她表示不介意，還揚言會支持曹格。
對於曹格與側田打交的原因，楊秀惠表示不知情：「我已經走咗，我走嘅時候佢哋好開心。（有話因為側田想退出娛樂圈？）我冇聽過佢講，佢兩個都係非常有才華、非常熱愛音樂，佢哋成日互相鼓勵，係都係一時亂講，講完就算。（佢哋連累咗你？）兩個都係我朋友，曹格係我好朋友。（佢好火爆？）可能壓力大，佢都承認有啲嘢係做得唔夠好，最緊要勇於面對、解決問題，大家嚟自馬來西亞，一定會支持佢。（佢再約你去唔去？）一定會去，我哋係朋友。」