出身音樂世家的側田，其三叔Ted Lo亦是音樂人，兩叔姪亦曾在肇事酒吧Jam歌，不過他當晚不在現場：「我都係睇報紙先知，即刻打畀阿田，最擔心佢受傷！」他力撐側田「Good Boy」，認為曹格酒後失控有問題：「我睇咗條片，完全係飲酒問題，佢要小心啲，好多人飲咗酒係冇惡意，但佢呢個朋友特別有問題，要接受治療，自己搞番掂！（曹格話向阿田家人道歉，你接唔接受？）最緊要佢要有進步！（勸阿田疏遠曹格？）隨得佢啦，唔知佢兩個咁Friend！」有傳側田因被金牌大風冷落而不開心，他說：「佢冇乜點講！」
側田舊愛林苑雖然未有就事件開腔，但她近日在Blog中有感而發，其中一篇文章寫上「別在憤怒時做下決定，三思而後行，做出睿智的行為。」又表示「永遠不要向任何人解釋你自己，因為喜歡你的人不需要，而不喜歡你的人不會相信。」似乎另有所指。