第二部分中，一臉內疚的曹格直言看見自己打側田的照片後大感心痛，亦不明白為何可以這樣對待側田，問他事件曝光後可有想過退出娛樂圈？他說：「冇，咁做更自私，做錯唔可以閃，唔可以逃避，我第一個反應係一定要開記者會認錯，唔要身邊朋友被誤會，成件事因我而起。」

側田流男兒淚

至於如何令身邊人及大眾重新接納他？曹格坦言沒有辦法：「點控制人哋？做唔到，可以做嘅係改變自己，希望佢哋可以接受。（擔心事業毀於一旦？）呢啲冇得怕，今日唔知聽日事，呢件事唔只係教訓，仲提醒我人生會改變，你哋下一次見我，Gary（我）會改變，我好有心改，之前有前輩畀意見我，依家知道應該搵專業人士。」

談到跟側田的交情，曹格說：「之前我老婆有咗BB，得佢知，佢擔任我演唱會嘉賓時我帶佢見我老婆，佢見到我老婆就喊，話好羨慕我終於有一個家，我個仔有兩個契爺，佢係第一個，成日都買衫畀我個仔。」