梁筠兒（Bambi）樣貌與賈曉晨（JJ）有幾分相似，雖然沒有JJ的出眾身材，但她仍自信十足地說：「我廣東話正啲。」Bambi在演藝學院畢業後，曾加入模特兒公司，做過Janice Man師妹三年，最近才轉投施念慈（Celia）的Jacso公司，她說：「以前做Model都係Part-time形式，自己仲有開時裝店，後來間舖加租加得好犀利，咁啱Celia搵我，我都想試多啲唔同範疇嘅工作。」

Bambi不羨慕Janice Man發展順利，認為各有所長。	雖然沒有賈曉晨的出眾身材，但Bambi自言廣東話較純正。	加入新公司後即推出烹飪書的Bambi，誓要擺脫o靚模的稱號。

下廚試男友

眼見Janice Man發展順利，Bambi自言不會羨慕：「我同佢唔熟，但有傾過偈，覺得佢着衫好有Taste，又識扮靚；但唔會羨慕對方，因為每個人有唔同個性。」

不過，模市場已有下滑趨勢，問到現在發力會否太遲？Bambi說：「我根本唔想做模，想作多方面發展，最近公司幫我同Liz（李莉琳）一齊推出一本關於烹飪嘅書，主攻年輕人市場。」想不到年紀輕輕的Bambi，對煮食甚有心得：「依家好多女仔都唔識煮嘢食，但我好細個就跟媽咪入廚房，其實女仔識煮嘢食，男仔會鍾意多啲。我試過煮一味好創新嘅雲呢拿飯畀男朋友食，雖然味道古怪，但佢都食咗一半先話難食，從中試驗到男友有幾愛你，哈哈！」

飲檸檬汁美白

身材瘦削的Bambi表示不需要減肥，反而「黑底」的她要尋求美白方法。早幾年Bambi獲台灣朋友教路，叫她每周飲一至兩杯檸檬汁，效果非常顯著：「為增強效果，一日飲三杯，但朋友話日頭飲會變黑，夜晚飲先有用。我擔心太削胃，所以建議每星期飲一至兩次，另外飲奇異果汁幫助皮膚吸收多啲維他命C。」

文：專案組

攝：吳文聰

場地：Zenses