應屆港姐三甲劉倩婷、李姿敏及熊穎詩，昨日在灣仔會展出席珠寶展活動。劉倩婷表示擁有最貴的首飾莫過於港姐后冠，她欲將后冠轉贈媽咪被婉拒，認為還是由她保存留念較佳。李姿敏與熊穎詩則表示喜歡水晶多於鑽石，認為水晶較適合她們的年紀、易於襯衫。

問到近況，劉倩婷透露早前到波蘭進行親善訪問，接連有艷遇，她說：「去到一個旅遊區嗰陣，突然間有個男人衝出嚟除咗我對鞋同幫我擦鞋，當翻譯話我係香港小姐時，佢即刻話免費，轉頭仲想錫我對腳！我即刻鬆開，當時冇鞋着幾尷尬！」

睇展覽遇求婚

之後她到一個展覽會，不少香港參展商邀她合照：「喺展覽會又遇到一個外國人，突然間走埋嚟向我求婚，都畀佢嚇一嚇！之後同佢講：『No, Thanks！』」