近月o靚模搶攻模界，令Lisa S.工作量下降，竟萌提早退休之念。昨日久未露面的她行騷，甫見記者即笑說：「我依家好懶，係時候停工退休喇！（男友想同你結婚？）唔係，不過我儲到錢，唔使擔心。」她又直言半年前已開始厭倦Model生涯，但否認因o靚模存在：「我又唔着三點式，o靚模影響唔到我，由得佢哋做！（莊思敏話嬲佢哋？）我唔會妒忌人。」談到樂基兒秘密結婚，Lisa笑說：「我唔會，因為我守唔到秘密，就算我結婚都唔會有人驚訝，我哋都一齊咁多年！」