本文重點
33F上圍的郭書瑤，日前穿小背心大字形躺在沙灘上，用沙砌出翅膀扮天使。
宅男女神郭書瑤（瑤瑤）日前應無綫邀請到泰國拍攝《美女廚房》，眼見藍天碧海及清澈海水，她興奮地說：「可以落水嗎？」不過由於行程緊密，遭工作人員阻止，身穿小背心的她恍如3歲小朋友般躺在沙灘上不願走，並說：「我要！我要……落水玩，好想同水玩遊戲！」抵死的她更伸出雙手表示要做「天使」：「要撥出一對沙翅膀！」
欲買汽水做手信
炎炎夏日，瑤瑤趁空買雪糕及汽水，問到不怕變肥妹？她說：「唔會，我成日都做運動，加上雪糕同汽水都係我至愛，況且我都唔食正餐！」她透露日前在港初嘗「冰凝汽水」，令她十分難忘：「買嘅時候同一般汽水冇分別，當扭開蓋就變成思樂冰咁！台灣未有得買，有諗過帶一箱返台灣做手信，不過工作人員叫我唔好咁傻！」
另外，瑤瑤昨日已由泰國來港，準備今日出席《郭書瑤寫真EP亞洲發佈暨加盟bma記者會》，屆時她會坐遊艇出現，寓意她正式殺入本港：「好開心！之前冇坐過遊艇，希望有機會坐住遊艇睇夜景！」
文：音樂組