於新片《死神傻了》中，陳偉霆（William）首次飾演芭蕾舞導師，並要穿上超級「現袋褲」教小朋友跳舞，他坦言服裝部準備的褲根本窄到穿不下，要服裝阿姐在其屁股位置開窿：「我同阿姐講不如我自己剪，點知阿姐話：『我有咩未見過，細佬！』真係好尷尬！當啲小朋友對住我仲尷尬，雖然勁先有嘢睇，但為免套戲變咗三級，導演畀我坐喺度教！」

與36D的趙碩之大演對手戲，甚有定力的Wiliam自言毫無難度。	William（右）難忘與周柏豪合作拍攝爆樽戲，被搪膠玻璃插滿雙手。 資料圖片	新片中，William與周柏豪、周秀娜及趙碩之等人有不少對手戲。 資料圖片

William坦言與C君及周柏豪的一場打交戲亦相當難忘，當他箍實C君讓周柏豪爆樽，整個樽爆在其手上：「雖然只係用搪膠玻璃樽，但打落嚟同真玻璃冇分別，而且成手插晒搪膠，需要逐片鉗出嚟，仲要噴止血劑，而C君個頭都係插滿晒，好彩呢個鏡頭唔使NG咋。」

與趙碩之合作唔尷尬

除此之外，戲中William亦艷福不淺，除了有冼色麗飾演其女友「Angelina Baby」外，更會與趙碩之大演對手戲，問到面對36D的趙碩之會否難以專心，他說：「我之前同佢合作過，上一部戲仲尷尬，要眼甘甘咁望住佢個胸，其實我覺得趙碩之真係好男仔頭，我同佢都好似兄弟！」