「我好鍾意呢兩位音樂人，尤其係曹格，尋晚先聽完佢嘅歌，可能音樂人都有藝術家脾氣，我都會有，不過Daddy由細到大都好嚴格教我哋，所以唔敢搞事。（佢哋敗壞藝人名聲？）唔覺得，可能佢哋後生，飲完酒控制唔到自己啫！（對佢哋失望？）都會有少少對曹格失望，不過佢哋今次應該會學到嘢！（曹格唔係第一次酗酒？）我自己都戒唔到啦！」
張智霖醉酒累事
「同佢哋唔熟，但真係激動咗啲，絕對係醉酒累事，藝人係青少年榜樣，呢啲事需要小心啲，希望唔好再發生，兩個都係實力歌手，希望將來以實力蓋過呢段新聞，依家社會透明度咁高，對形象一定有影響，唔知佢哋應該向乜人致歉，應該戒酒囉！飲酒要適可而止。」
張敬軒瞓醒冇事
「佢哋都係友誼賽啫！我同阿田成日都過招，佢哋瞓醒就會冇事，佢哋鍾意摸吓酒杯底。（打得好激烈？）係咪拍緊MV咋！（側田頂帽打極都唔甩？）可能真係拍緊MV。」
胡杏兒下次唔好
「覺得無論公眾人物定係普通人，都唔應該喺公眾場所打交，下次唔好喇！佢哋兩個我都唔熟，不過佢哋嘅歌我都好鍾意聽，唔想因為呢啲事而影響到佢哋。」
劉家昌不負責任
「年輕人情緒好難講，我都有打過，打過之後就冇事。（曹格唔年輕，做咗爸爸！）做咗爸爸仲打交，真不負責任，打交對孩子不好。」
鄭嘉穎好大壓力
「可能佢哋不打不相識。（係咪應該戒酒？）佢哋咁大個人識得點諗，遇過事就會成長。（藝人係咪要檢點啲？）覺得佢哋兩個會知道點做，因為嚟緊要承受番好大壓力。」