本報獨家披露的「醉酒藝人街頭毆鬥」事件驚爆全城，除了兩位主角曹格和側田的好友紛紛就事件作出回應外，同樣愛喝酒及夜蒲的曾志偉、徐天佑及陳淑蘭亦有感而發。剛從外地返港的志偉，雖然還未弄清楚整件事的來龍去脈，但卻認為藝人在公眾場所應檢點，絕不能破壞公物，他說：「記住玩還玩，唔好攞政府啲嘢嚟玩！」但志偉卻似乎不太認同側田是受害者的說法，言談間更力撐曹格及側田是好友，他說：「正如我同阿倫（譚詠麟），如果話我哋打交都唔成立啦！因為大家都咁好朋友；總之以我所知佢兩個係好好嘅朋友兼好兄弟。」

放大圖片	徐天佑表示仍有夜蒲，但盡量少去一些不該去的地方。	陳淑蘭自爆曾因醉酒和姊妹嗌交及掟杯。

蘭子嘆新一代藝人反叛

至於曾因醉酒失態、與的士司機發生爭執以致驚動警方的徐天佑，則強調仍有夜蒲，只是會格外小心：「我唔會戒夜蒲，我平時都有去飲酒，但依家知道藝人有啲地方應該唔好去，因為畀人寫會好蝕底。」

另外，同樣愛杯中物的陳淑蘭則認為，飲醉酒確是會令情緒失控：「我都係咁，飲完酒同姊妹嗌交都會掟杯，問題會放大十倍。」蘭子更表示新一代藝人較為反叛：「我自己都係半個經理人，試過幫個Model接Job，第二日佢可以唔出現都唔講聲。（做經理人嘔血？）剩番兩滴血都嘔埋。」