陳奕迅（Eason）昨日接受電台訪問時，得悉側田與曹格街頭毆鬥，他大感愕然：「咁勁！咁過癮！」當記者形容事件經過，Eason即忍不住狂笑，再提到側田的帽子打極唔甩，Eason笑說：「唔甩？咁好嘢！佢係咪買細個碼條橡筋好緊？」對於兩人形象或受損，Eason說：「佢哋唔係教人打交，係一時衝動，暴力當然唔啱，但兩個冇受傷，人又冇事。（曹格想用路牌打側田？）佢唔為意，見嘢就攞啫。」
此外，崔建邦（Amigo）及唐詩詠昨日情侶檔出席活動，問到曹側二人是否爭女？Amigo說：「肯定唔係，係你緊張我，我肉緊你，係關於人生嘅事，但作為公眾人物，佢哋係唔啱。（曹格攞路牌想打人！）我都嚇親，係飲咗酒火爆啲啫。」他又爆側田及曹格分屬好兄弟，傾到感性處更會落淚。至於詩詠表示他倆均是率直的人，問到會否叫Amigo疏遠他們？她說：「做朋友冇所謂。（勸佢飲少啲酒？）都會，適量嘅可以輕鬆，但做藝人，有啲嘢唔應該做。」