昨日馬來西亞歌王曹格，被揭與側田醉酒毆鬥，繼早前他在台灣慶生傳出被打新聞後，三個月內再發生同類事件。計劃來港發展的曹格最近工作不斷，繼為《超級巨星》擔任嘉賓主持後，11月14日更在亞洲博覽館為演唱會添食，向來支持他的唱片公司bma，昨日承認受醉打事件影響，或會將個唱取消或延期，bma集團行政總裁崔永昌說：「肯定係關呢件事，呢個係事實，我哋聽日（今日）會聯同曹格嘅經理人、台灣唱片公司開會，決定將演唱會取消定係延期。（擔心事件影響曹格形象？）唔擔心票房，但係呢個時候係唔係仲要做娛樂節目？演唱會始終係一個娛樂節目，一切要視乎曹格嘅精神狀態先！」至於假如個唱取消bma將損失多少，以及是否已付場租等問題，他均未有回應，只表示一切待開會後才知道：「呢啲唔重要，要睇晒成件事先！」

曹格曾與側田同台合唱，未知此情此景會否再出現？	曹格於11月舉行的個唱或會取消。	早前曹格在台灣開P後右手受傷，惹來被打傳聞。

無綫騷未受影響

另外，無綫原定於下周二（29日）為曹格舉行音樂會，側田更會擔任嘉賓，但亦受事件影響有可能取消。昨午節目監製陳家揚說：「會照做，TVB會照幫曹格搞音樂會。（側田照出席？）呢一刻我冇收到任何人話唔做，一切如常。」據知，音樂會原意為曹格11月個唱造勢，如演唱會需取消或延期，無綫方面亦大有可能要取消。