經常因醉酒及流連夜店連環出事的曹格及側田，前晚在酒精影響下化身「Street Fighter」街頭互毆，事件經本報獨家披露後驚爆全城！據知，側田及曹格出事前流連的中環酒吧，當時曹格的馬來西亞同鄉楊秀惠及肥媽亦在場；而翻睇當晚曹格及側田的「足版出事片段」，楊秀惠確是有出入該間酒吧，如今毆鬥事件如此轟動，楊秀惠又是主要目擊者之一，自然免不了備受牽連。

放大圖片	楊秀惠自爆當晚與曹格Say Hi，但沒有與側田傾偈。 資料圖片

「佢哋冇胡言亂語」

本報記者昨日致電楊秀惠，她承認當晚的確曾經踏足酒吧，更直認與曹格及側田是好友：「我同曹格係喺馬來西亞做嘢時識，因為大家係同鄉，所以幾好傾，但因為佢每次嚟香港都撞唔啱時間見面，咁啱嗰晚佢經理人叫我去玩，我咪同成班朋友去搵佢囉！不過我淨係同佢Say Hi，好早就走咗。至於側田我都識，不過嗰晚佢夾緊Band，所以冇同佢傾偈。」

雖然楊秀惠與曹格及側田碰面時已是凌晨時分，與毆鬥事件相隔不足一小時，但楊秀惠表示離開前仍未察覺兩人有異樣：「我見佢哋好開心咁夾緊Band，側田打鼓、曹格唱歌，佢哋玩得好開心o架喎！（你走時佢哋有冇醉意？）冇，佢哋仲好Friend咁一齊唱歌，亦冇胡言亂語。我臨走嗰陣，曹格仲好清醒同我講話佢好快會再嚟香港，話到時再聯絡添！」她更強調曹格與側田感情十分要好：「佢哋打交我都係睇報紙先知 ，我唔想評論呢件事，因為兩個都係我好朋友，我諗佢哋應該飲醉酒啫！冇乜嘢，希望佢哋冇事！我想強調佢哋真係好好朋友！」

楊秀惠在酒吧門外，與曹格密斟。

放大圖片

肥媽為早走自責

至於另一目擊者肥媽，則表示當晚是應邀前往Jam歌；與老公一起前往的她，表示12時許離開時已覺得曹格及側田有醉意，但當時兩人依然友好：「當時佢哋Jam緊歌，仲Brother前Brother後，完全冇鬧交！我唔知佢哋飲咩酒，細細杯唔知係咪Tequila。」肥媽坦言當打開報紙得悉兩人打架後，即大感自責：「早知係咁我就唔咁快走啦！我喺度可以(禁)住佢兩兄弟！」她亦強調曹格與側田是好友：「佢哋兩個都係小朋友，其實好好感情！」

男人最痛 被擊中要害的側田，急急掩住「傷勢」。	武器侍候 曹格拿起「武器」追打側田。	飛踢側田 側田坐在的士上，依然被曹格追住打。
打到瞓街 曹格把側田打到跌落地，旁人即上前阻止。	火起互推 側田與曹格互相推撞。