話說鍾嘉欣當時喺荒山野嶺拍一場撞車戲，因為佢唔識揸車，所以工作人員就為佢安排特技人幫手揸車。因為撞車戲要一Take過搞掂，所以工作人員非常緊張，企晒喺鏡頭後面做準備，導演一聲Action，特技員揸住車喺路上高速飛馳，特技人突然用對講機同導演講，喺路邊有「人」企喺度，所有人聽到都不寒而慄！因為鏡頭前除咗特技人之外，就冇任何人，但導演叫大家繼續拍攝，唔使理。拍攝時正值凌晨時分，搞到現場氣氛更加寒冷！

鍾嘉欣同小小So講：「好多人拍嘢都會遇過解釋唔到嘅事，其實世界咁大，好多事無奇不有，雖然今次件事我冇親眼見過，不過都係聽工作人員講嘅，聽到都咪話唔驚！」