着波鞋有玄機

Kate表示Figure的造型，是參照她當時上台攞獎的盛裝打扮。問到公仔為何是穿上波鞋而不是高跟鞋？她冧爆地說：「我聽個Fans講，因為佢第一次見我嗰陣，就係我着住對波鞋喺髮型屋走出嚟，估唔到佢到依家仲記得，佢對我真係好有心。」她又表示因這公仔對她別具意義，故會將它放在電視機附近的當眼位置。

徐子珊（右）重遇該位忠實女Fans，即大方合照。

Figure公仔參照Kate上台攞新人獎時的打扮。

問到如何報答Fans的盛情，Kate說：「我入行五年，都未搞歌迷會，所以我諗住盡快成立一個，屆時我就可以定期同佢哋見面。」而Kate日前出席公開活動時，正遇見送Figure公仔給她的Fans，兩人一見面即雞啄唔斷。