謝婷婷正式入行才兩年，但已獲胡敏珊邀請，擔任腕錶品牌Chouette的代言人，更有意進軍電影圈，早前與哥哥謝霆鋒會見王晶，極有機會成為「晶女郎」，前途無可限量！

放大圖片	婷婷身形瘦削，乃標準模特兒骨架。

婷婷自言踏實，平日少說話多做事，難免令人覺得很Cool：「我平時唔係好鍾意講嘢，遇到唔熟嘅人只會Say Hi同Bye，我覺得咁樣幾好，好過要同人寒暄、講八卦，我唔係一個習慣應酬嘅人！當初未入行，好唔慣面對鏡頭，企喺度影相都會震，要慢慢習慣！」她坦言成為被追訪目標，當初甚為不慣，後來經四哥提點才醒悟：「老竇話係咪啲人都會影你，點解唔笑住畀人影？我唔鍾意畀人跟，不過我明白係佢哋嘅工作，但要跟就光明正大啲，明知我發現佢哋，點解斷正仲扮冇嘢？」

四哥（左）與霆鋒是婷婷最敬重的親人。

婷婷與安志杰公開戀情後，帶挈雙方工作大增。

為霆鋒不快事心痛

面對傳媒，婷婷還是新手，所以十分佩服縱橫多年的四哥，並跟他學EQ：「老竇份人好真，好受人尊重，遇到唔鍾意嘅事，佢都輕鬆面對，我好想學佢，不過未到呢個層次！」她更以哥哥霆鋒為傲：「我哋感情好好，我好聽佢話！大家會為對方嘅唔開心事而心痛，阿哥經歷太多，個人好成熟，雖然我哋唔係成日見，不過一見就無所不談，好似朋友咁，我以佢為驕傲！」