前晚約7時，素顏、披着圍巾的徐淑敏（Suki）完成廣告工作離開柴灣，未婚夫黃浩（Kenny）本一直在車上等候，但Suki落樓時卻不知所終，Suki惟有上車邊打電話邊等候，見有記者影相即拉起布簾遮擋，未幾Kenny上車便直驅四季酒店醫肚。抵達酒店後，兩個保鏢率先落車，而Kenny則扶着穿上鬆身衫的Suki下車，問到送了甚麼生日禮物給「老婆」時，他笑而不答，並與Suki直入酒店。

疑似有喜的徐淑敏，未婚夫體貼扶落車。	在車上等男友的徐淑敏，發現有記者拍照後立即拉上布簾。	放大圖片

與初戀男友神交

昨日Suki出席電腦產品活動時說：「食完飯返屋企，Kenny有唱生日歌！（送乜禮物？）佢叫我一定要講有送，但唔好講送乜，佢送咗兩份禮物畀我，一份係戒指，一份未收到，不過都係要訂造！（齋食飯咁悶？）我覺得佢唔習慣追女仔，佢追我都冇心思，佢話多數係女仔追佢喎！到咗呢個時候我乜都信。」當她介紹Web Cam時說：「當年同喺英國讀書嘅初戀男友用Web Cam談情，係神交，點知返香港反而散咗。」