今日《2009亞洲小姐競選（港澳賽區）》會公布8位進入準決賽的佳麗名單，各候選佳麗昨日在大埔亞視總台出盡法寶拉票。各人以自選服裝試鏡，考驗她們主持和演戲才能，但多位佳麗頻頻食螺絲及忘記對白，（3）莫曉菲更緊張得不停深呼吸。

熱門佳麗（2）王希瑤被指隆胸及整容，昨日似乎刻意「封胸」，改以露背裝轉移視線。問她可會覺得打扮輸蝕？她說：「大露背都密實？唔會輸蝕，覺得自己背脊好靚。」她坦言負面新聞影響心情，亦影響對入準決賽的把握：「媽咪都因為呢啲新聞晚晚喊，我都有喊，覺得對唔住屋企人，唔明點解冇整過容都畀人講成咁。」對於王希瑤「封胸」，中游分子莫曉菲與（4）魏萱嬅即乘機「攝位」，前者近日因攬仔新聞成話題人物，後者昨日更以性感服飾力谷35吋半上圍出擊，望在最後關頭拉票。

（2）王希瑤留前鬥後，以露背裝示人。	（12）張堯英（左）蹲下與（13）陳意婷對戲，二人讀台詞時卻顯得甩咳。	（6）陸瑞汶試戲時七情上面相當投入。

聲稱以後會檢點

莫曉菲被揭連環攬仔拍照，她坦言不覺得有問題，更謂只是外國的基本禮儀：「佢哋係我澳洲同學，喺外國生活都會習慣呢樣嘢。不過以後會檢點啲，因為依家身份係代表亞姐。」而成功凸圍的魏萱嬅自言不覺搶了其他佳麗的鏡，並說：「件衫係特別揀嘅，唔覺唔自然。」另外，（8）戴瑞姍被揭露有抽煙惡習，她承認曾抵不住朋輩引誘而抽煙，但現已戒掉，直言形象受到影響。

文：影視組　攝：攝影組