小小So識咗梁漢文（Edmond）好多年，睇住佢起起跌跌，雖然唱歌有實力，但始終做唔到一哥，真係有啲心酸！早排Edmond搞咗個迷你音樂會，小小So都特登去捧場，幫呢位朋友打吓氣。
小小So ：Edmond，好耐冇開音樂會喇？
Edmond：係呀！好耐冇做騷，大家淨係喺電視（《美女廚房》）睇到我嘔！不過今晚好開心，本來只招待200幾位觀眾，結果有500人入場，真係好興奮！
小小So ：幾時再開騷？
Edmond：出年我會同許志安、張衞健同蘇永康喺紅館開騷，個唱就未搞住，集中火力做好四個嘅騷先，依家我哋個騷連名都未諗，唔通真係叫「啫啫雞」同「大四喜」咩？名都要花好多時間諗。
小小So ：幾時開騷呀？我一定捧場。
Edmond：多謝支持，6月個期已經落實咗，但檔期唔多，所以想爭取埋3月個期，做多幾場！