參加無綫第23期藝員訓練班出身的吳綺珊（珊珊），原來早於數年前曾簽約經理人公司做藝人，更曾組成女子組合，她說：「我同另外兩個女仔組咗隊組合叫『ASA』，但出咗一隻歌之後，組合就無疾而終咁結束咗。」但珊珊對演藝路未有放棄，當過幼稚園教師後便毅然投考訓練班。成名路上曾受挫，或多或少影響珊珊對未來星途的期許，她說：「但經歷過後，依家同早幾年嘅心態都唔一樣。歌影視三方面我都好鍾意，但都要睇運氣，我乜都好想試！」

珊珊表示要積極面試，恨拍曾志偉的新片。

吳綺珊曾以組合身份闖樂壇，但最後無疾而終。

恨拍志偉新片

珊珊正忙拍攝新劇《談情說案》，在劇中飾演林峯學生的她表示，劇組各人相處輕鬆融洽：「劇情都係圍繞大學生活，一大班人嘻嘻哈哈，所以都演得幾輕鬆！」《談》劇是珊珊第二套參演的電視劇，對上一套是無綫重頭劇《宮心計》。獲公司給予機會，珊珊相當高興地表示接下來將有機會為曾志偉的新戲面試，屆時一定會全力以赴，做到最好！

王菲Die Hard Fans

珊珊熱愛唱歌和睇戲，更是唱K狂熱分子，在眾多歌手中獨愛型媽王菲。最近有關王菲復出的傳聞眾說紛紜，珊珊興奮地說：「阿菲真係出番嚟就好嘞！如果佢搞復出個唱，我一定會叫朋友幫我撲飛，點可以唔去？」果然是忠實粉絲！

Profile

名　　字 ：吳綺珊（Athena）

年　　齡 ：22歲

三　　圍 ：33C、24、36

演出經驗 ：《大咕窿》Hot Girl、

《宮心計》等