昨日王秀琳（Mango）出席新太陽廣場舉行的《新地大世界基尼斯國家文物婚書展》活動，展出不同時間的文物婚書，提到夢想中的婚禮，她笑說：「個個女仔都想有個童話式婚禮㗎啦！」早前她被踢爆與天王郭富城密會，緋聞爆出後，城城即劃清界線，自言單身的Mango談及擇偶條件時，即若有所指地說：「最重要係愛我，之前嗰啲唔夠愛我，依家要搵到個真心愛自己嘅人，都唔係咁容易，兩個人一齊要互相遷就！」問到中秋會會否約城城人月兩團圓？她說：「唔好玩啦！我會約女仔朋友，睇吓有冇單身女仔有時間！（同城城仲有冇聯絡？）唔想成日講，費事畀人誤會我借人做新聞。」

問到自與城城傳緋聞後，工作是否增加不少？她說：「的確多咗少少，但其實我一路都有工作，只不過係以前出嚟記者未必會問我嘢。」但她指不想常被追緋聞：「我明白記者要交功課，但有時真係寫得好誇張！」

曾想31歲結婚

另一邊廂，郭富城日前在台灣接受侯佩岑訪問，他自爆在31歲時曾想過結婚，但因音樂劇夢想未完成，加上愛車如命，未有時間投入家庭而打消念頭。問到愛車會否願意借給女友用？他即斬釘截鐵地說：「車係我嘅命根，邊個都唔會借！」