本文重點
青春女歌手李蘊家有兩隻愛貓，一隻是9歲的「金毛」，另一隻則是10歲的「阿扁」，她說：「『金毛』係男仔，灰黑色嗰隻係貓女『阿扁』！」談到愛貓身世，她說：「『阿扁』係當年我鄰居話我細佬擺隻貓入人哋屋企，然後叫佢攞番走，但係我細佬根本冇將隻貓放入人哋間屋，但見隻貓好得意，就索性拎返屋企養！至於『金毛』就係喺藥材舖門口發現，當時隻貓媽媽生咗一竇仔女，我哋攞咗其中一隻嚟養，兩隻都養咗差唔多10年，好有感情！」
難忘「臭」史
李蘊笑言最難忘貓咪的「臭」史：「『阿扁』細細隻嗰陣，經常放屁同賴屎，搞到臭氣熏天，有次我爸爸喺梳化瞓咗，佢居然喺爸爸膊頭放低『幾両金』，真係好搞笑！」她又視兩隻愛貓為傾訴對象：「有啲嘢我唔想同人傾，就會同佢哋講，試過講到喊，佢哋好有靈性咁『喵喵』聲安慰我！佢哋又鍾意聽我唱歌，有時我喺屋企唱K，佢哋就好似歌迷咁眼甘甘望住我，好得意！」
此外，她自爆曾將貓兒當狗隻訓練：「但我知冇可能，佢哋好有性格！」並表示自從養貓後，增強了責任感及耐性！