鍾欣桐（阿嬌）、林一峰及林二汶昨日為森美小儀歌劇團宣傳，齊齊試食出爐美女廚神小儀的廚藝，阿嬌尷尬地說：「啲牛肉第一件唔熟，第二件又太熟，但味道OK！」難怪小儀笑說遇上阿嬌這位真正的美女廚神，亦被其評語擊倒。

想35歲出閣

由於歌劇團以棟篤笑形式進行，阿嬌等不會參與演出，她說：「我都有戲癮，最想可以再做《星爸阿爸》！」對於蔡卓妍（阿Sa）被指刻意遮掩婚戒，阿嬌指對方喜歡戴飾物，並說：「佢話30歲結婚！（傾過Dream Wedding？）未係時候，佢仲細我兩年！我諗我35歲先啦！都就30喇，好難做！」她更搞笑表示快要在網上徵婚。談到廚藝，阿嬌表示最拿手煮蠔油雞翼及牛扒，林一峰則說：「我整嘢食好得，最叻煮南瓜湯同牛油果焗飯！」