陳偉霆（William）、Fiona及鄧紫棋（G.E.M.）前晚舉行《叱咤叱叱咤幻想正發作音樂會》，身穿背心的Fiona雙手撫摸胸口，不斷扭腰趷籮唱出新歌《微笑殺人事件》，意識十分大膽，令觀眾嘩然！其後，她換上牛仔熱褲出場，惜動作太大令她當眾露出黑色T Back及重要部位。

Fiona全情投入，忘我演出。	放大圖片	Fiona不斷撫摸胸部又扭腰趷籮，全場嘩然！

對於自摸動作引來觀眾嘩然，Fiona說：「今次特登搵咗排舞師幫我排呢隻舞，只係隻手交叉摸自己個身，皮膚係自己嘅，自己摸自己冇事，又唔係真摸同摸嗰個位置（胸部）！」昨日被追問到當眾露T Back及重要部位，Fiona透過唱片公司回應時說：「哎吔！都話嗰條唔係底褲咯！我只係將條打底褲剪短咗，估唔到又搞出誤會，惟有下次小心啲！」但她的回應難自圓其說。

William自爆跳舞時失手，幸好懂得坐低扮舞姿，十分醒目。

身穿背心短裙的G.E.M.，「紮行馬」演唱，十分投入。

William坐低扮舞姿

此外，William打頭陣演出時不慎失手，惟有以笑遮醜，他說：「件衫有兩對翼，我跪低轉身時隻手壓住件衫，搞到起唔到身，諗住扮坐低當係舞姿，點知畀你哋發現，仲以為冇人知添！」而身穿背心短裙的G.E.M.，演唱時露出絲襪內的白色內褲，事後她說：「我着咗件好長可以遮住Pat Pat嘅黑色背心，又着咗條黑色Leggings，應該睇唔到嘅！」

文：音樂組　攝：鄭家俊