前日衞蘭（Janice）與鄧麗欣（Stephy）及鍾嘉欣等出席海陸巡遊大匯演活動，衞蘭更乘坐古董老爺車為活動揭幕，事後她透露將與JM拍電影，但有關角色及細節則要保密，問她「雙J」的戲份是否平均？衞蘭說：「唔知，我冇去睇究竟佢嘅戲份係咪多過我，就算係都冇所謂，我依家好努力背拼音，因為劇本好長！」今次是衞蘭首次正式拍戲，她表示只想攞經驗，並不介意與JM比較，而老闆黎明亦鼓勵她用自然方法演繹角色。

「佢知道要犧牲」

對於有指黎明下令禁JM與男友高調拍拖免被偷拍，令JM承受巨大壓力狂爆壓力瘡，對此衞蘭說：「我唔覺得佢大壓力同生瘡喎！佢十幾歲入行做模特兒，係叻女，知道點處理，相信佢知道要犧牲！」問到會否叮囑JM低調拍拖？衞蘭說：「要分時間囉！真係拍拖就唔好令心事影響工作！」

同場的Stephy被問到有傳金牌大風不欲與傅穎（Theresa）續約，她表示不知情，但強調即使不再同公司亦有機會合作，更表示會傳短訊祝賀壽星女Theresa，並想約齊對方、楊愛瑾及吳雨霏飯敍。