另一熱門（5）林紫君未知是否限於泳衣剪裁受限制，未能將其豐滿身材凸顯，反觀身形嬌小的（3）莫曉菲則突然變得有睇頭，同一款泳衣但效果各異，認真切合今屆亞姐口號「同一片天空，不同的美麗」！莫曉菲坦言做足安全措施：「今日黐咗好多膠紙，我諗半卷都有！係服裝間同事教我黐嘅，但冇做其他防走光措施。（今日落水喎！）我唔識游水，但唔擔心會浸親，頭先玩遊戲隻船好大o架！」
被問到減磅進度，林紫君說：「我冇刻意減磅，未上磅唔知成績。其實我唔覺得好肥，但最近係食得清淡咗，仲做運動配合。（競技項目唔夠刺激？）點先為之刺激？可能大會要配合番亞姐形象。」
