有「拉闊Janice Man」之稱的Ceci酷愛畫畫，剛畢業於CO1 School of Visual Art的Graphic Design高級文憑課程。從沒想過「我要做Model」的她回想當初，從一個平凡售貨員加入o靚模大軍，令她獲益良多，重新認識自己：「入行前，我嘅思想好保守同傳統，雖然貪玩但有底線，正如以前唔接受比堅尼，要我着會好激動！依家就覺得性感健康就OK！」身體各部分中，Ceci最滿意一雙炯炯有神的雙眼：「我覺得眼睛係最雪亮，而且亦最懂得同人溝通，最唔識講大話。」

顏后君坦言入行前思想保守，但現已習慣在人前展示性感。

Ceci畫插畫妙筆生花，她更有意向此方面發展。

夢想做插畫家

雖然一班o靚模「胸」湧澎湃，但Ceci一於少理，深明身材好不代表一齊，成功要靠努力亦要有觀眾緣，所以她希望有機會嘗試歌影雙棲，不想一世當花瓶：「做Model只單靠樣貌同身材，純粹被人當做花瓶，但唱歌或者演戲就會有讚彈之分！」

Ceci努力發展星途的同時，沒有放棄插畫家的夢想，她坦言模特兒工作能啟發創作思維，希望有日畫出燦爛的彩虹：「見識比以前廣闊，對我畫插畫好有幫助！我一直想開時裝店，所有牆身以至紙袋設計都由我一手包辦，好有成就同滿足感。」

Cecilia Ngan（顏后君）

身高：165cm

三圍：32B、23、32

廣告：Sprite、Sharp Easy及SONY PSP等等

演出：《美女廚房》嘉賓、許志安MV《天下有情人》等

化妝：Chris Lam

髮型：Milk Chan（XENTER）

場地：加州餐廳（蘭桂坊）

文：劉慰思