李蘊（Renee）與劉欣宜（Miyoko，又名E Cup Baby）成為同門姊妹後，由於同樣愛玩，故格外投契。日前玩真人版「猜猜畫畫」時，由於Renee每次都抽中難題，令她大發雷霆，更笑言要將「憤恨」發洩在記者身上：「一定係你整蠱我。」其中一條Renee要畫「瑪麗蓮夢露」，她畫了一個面上有銷魂癦的女人、用手按着飛起的裙襬，又出口術不斷提醒Miyoko謎底是五個字。

放大圖片	李蘊（右）埋首繪圖，劉欣宜則落足眼力睇到實。	劉欣宜（左）與李蘊感情要好，皆因都是玩得之人。

雖然答案呼之欲出，但Miyoko卻遲遲未能估中，更九唔搭八高呼「米高積遜」及「茱莉亞羅拔絲」，令Renee大為氣結：「都話五個字！」

腦筋勝畫功

由於Miyoko腦筋未夠靈活，Renee惟有畫公仔畫出腸，在畫紙上猛畫飛起的裙襬予以強調，最後更使出撒手鐧提示：「呢個係經典性感人物！」此際，Miyoko才如夢初醒說出正確答案，旁人無不捏了一把汗。而輪到Miyoko畫畫讓師姐猜時，Renee醒目一估即中是「披頭四」，令Miyoko大感自卑：「我好水皮呀！」場面搞笑。

場地：水瓶座

服裝：2%（李蘊）

文：專案組

攝：秦健輝