在橫店拍劇趕返港的米雪，昨日與苗僑偉（三哥）以御藥堂代言人身份，為產品冬蟲夏草Cs-4及淨肝健拍廣告雜誌，對於有傳患上鼻咽癌的尹志強（尹佬）病情有變，被送入深切治療部，她說：「我都畀你哋嚇親，完全係造謠，佢入院唔係嗰回事囉！只係定期檢查，唔好寫到咁離譜，多謝大家關心！引用劇集《宮心計》嘅對白，希望大家說好話、做好事、存好心！」

米雪指尹志強只是入院作定期檢查，現正閉關休養。 資料圖片	苗僑偉談起子女時笑不攏嘴，卻不肯透露他們在哪裏讀書。	米雪與苗僑偉昨日拍廣告，切磋高爾夫球球技。

希望大家支持

米雪指尹佬已經出院留家休養，希望大家對他多加支持，不要再踩多腳：「我好清楚佢嘅情況，冇擔心過，佢都冇因為報道唔開心，知道大家都係工作啫！」米雪在港作短暫逗留後，明天將會到甘肅進行探訪，然後再返橫店拍劇，十分忙碌。

三哥昨晨由外地返港，相當疲累，他說：「啱啱放咗一個月大假，陪仔女去外地升學，佢哋去咗個神秘嘅地方讀書，都唔捨得o架！為咗將來着想，都要畀佢哋喺外面讀書！」

文、攝：影視組