因與阿滕譜「地下情」而人氣急升的鴻仔，日前被指翻撻前妻，更被拍得抱着一名九個月大的BB女現身鬧市，他昨日坦承育有一名九個月大的女兒，但是否與前妻復合，以及與阿滕感情生變則一概不答。他只表示已向需要交代的人清楚交代，並強調一直沒有親口承認與阿滕拍拖：「我哋不嬲都係好朋友，到依家都係！（佢喺個Blog度呻空白，同你個BB女有冇關？）佢只係抒發對感情嘅個人感受，唔牽涉任何人！（前妻有咩反應？）家人嘅事我唔會講，佢哋承受咗唔少無形壓力！（有咩打算？）我會做個好爸爸！」他表示已向無綫交代事件始末：「我同樂小姐講清楚。（驚影響形象？）希望觀眾留意我嘅工作，形象留畀觀眾決定！」

斥斷章取義

對於鴻仔坦承育有一女，阿滕拒絕回應，並繼續力撐鴻仔：「我哋係好朋友，我唔會講佢嘅私事！（寫Blog同個BB女有冇關？）我自己嘅事，如果影響到佢，我會過意唔去！但我要澄清冇講過要同鴻仔劃清界線，只係個雜誌記者斷章取義！」此外，無綫高層樂易玲昨日表示鴻仔曾跟她提及「家事」，對於有指鴻仔劈腿影響藝人形象，她說：「我唔覺會影響，我只係知道佢哋（指阿滕）係好朋友，而鴻仔同前妻嘅事，既然都有咗個BB女，佢都係盡男人責任啫！」