由李家誠一手「湊大」的The Mira Hong Kong酒店前晚開幕，老婆徐子淇以主人家身份主持開幕儀式，更邀得天后容祖兒（Joey）及美國人氣歌手Katy Perry出席，子淇好友陳君宜、鄺文珣亦畀面到場，其他嘉賓包括楊受成、楊諾思及陳見飛等。現場所見，子淇跟祖兒和Katy三個女人一個墟，甫見面即雞啄唔斷。

與丈夫李家誠一同接受訪問的徐子淇，不經意騷老爺送的巨鑽！	放大圖片	徐子淇無論前睇後睇都一樣Fit！

「Proud of我老公」

身穿Roberto Cavalli大露背晚裝的子淇明顯已經收身，訪問時不時勁晒手指甲般大的巨型鑽戒，十分風騷，問鑽戒有多少卡？子淇說：「唔知呀！係老爺（李兆基）送嘅！」子淇亦十分識做Hard Sell推介酒店，更自爆夫婦住勻全港酒店吸收經驗。問到有否參與家族生意？子淇說：「其實唔係㗎！」並拍拍在旁的李家誠肩膊，情深望着老公說：「I'm so proud of you！（我以你為榮）我真係好Proud of我老公，結婚咁耐，佢都忙緊搞酒店嘅事！」

Katy Perry（圖左）、Colin Cowie（圖右）

鄭躬明與陳君宜

Joey被讚皮膚靚

問到如果獎勵老公？她笑說：「今晚好開心，酒店係佢做出嚟嘅Baby，不過唔係我生！」談到再見祖兒，子淇說：「好耐冇見佢喇！拍《新鮮人》已經係9年前，今日再重逢，今次邀請兩個天后嚟，佢哋好後生，襯晒酒店形象。」至於李家誠則邀得當年為他締造世紀婚禮的Colin Cowie，為酒店開幕禮提供構思，Colin曾為Elton John的愛滋基金會籌劃活動，可謂享譽國際。

祖兒對於與Katy同場大感興奮，問她們見面時傾過甚麼？她說：「佢讚我條裙靚，仲講笑話搶我條裙着，佢仲讚我皮膚靚，哈哈！係我唯一最靚嘅地方！我覺得Katy眼大大，好Sweet，好有復古味！」對於好姊妹蔡卓妍被傳好事近，她說：「吓！係咩？」

楊受成	容祖兒身穿Miss Sixty開胸迷你裙，獲Katy大讚漂亮。