今次電視劇鬧鬼，不少藝人亦遇過靈異事件。梁嘉琪自爆去台灣的恐怖經歷：「去到一個出名猛鬼嘅大廈，之前發生大火燒死好多人，門口都係神主牌。我聞到死老鼠味，行咗一層，驚到冇再行。有觀眾話見到鏡頭影到細路嘅白影！」她透露每逢拍攝靈異節目，都會帶平安符：「唔會好整齊咁放拖鞋喺床邊，因為易惹鬼。」
而黃翠如亦大爆在澳洲的酒店被嚇破膽：「入住一間舊樓改建嘅酒店，嗰度有條木樓梯，感覺好恐怖！房內有好多中國士兵嘅相，全部冇頭又有鬼影，睡房內嘅浴缸放滿白菊花。之後去另一間酒店，嗰度有好多Locker，夜晚聽到怪聲。（有咩傍身法寶？）去到邊都帶聖經，好驚會攬住嚟瞓。」苑瓊丹則透露盂蘭節要演神功戲：「鬼鍾意睇戲，片場多呢啲嘢，我哋出外拍戲一定要有禮貌，去廁所要講唔該借借，去酒店房要敲門。同埋我有秘製嘅沐浴露，多啲沖涼係好事，洗走霉運又好，洗走邋遢嘢都好。」