本文重點
愛心爆棚的李逸朗（Don）家中飼養了三隻小貓，分別叫白白、鼻鼻及虎虎，牠們是同胞兄妹，已與Don生活了逾一年，Don憶述收養牠們的經過：「佢哋都係我朋友屋企隻貓生嘅，一個月大就畀我拎返屋企，本來我諗住拎一對返去養，但有日去朋友度見虎虎好瘦又甩毛，所以決定拎埋佢返屋企，依家佢好健康又活潑，冇枉費我嘅悉心照顧！」
荷包大出血
他表示牠們最初不懂到貓沙盤內上廁，經常在他的被窩上大小二便：「佢哋每日都喺我張床度去廁所，搞到我要拎啲被去乾洗，一洗就要百幾蚊，真係好肉赤！我教咗佢哋幾個月先識得去貓沙盤屙！」他又透露愛貓的免疫力較弱，更試過眼睛及耳朵發炎，除了令Don要花錢帶牠們看獸醫外，家中亦堆滿牠們的藥物，幸好有朋友做獸醫才不致荷包「重創」。
此外，百厭的鼻鼻曾試過跳上窗台，險些變成「飛天貓」：「有日我返屋企突然聽到一把好哀怨嘅貓叫聲，搵勻成間屋又唔見鼻鼻，心知出咗事，好彩最後喺窗台發現咗佢，佢驚到縮埋一舊，我即刻拆晒啲窗花救佢入屋，畀佢嚇死！」