在肌肉男當中，Chrissie最愛有「舞台王者」之稱的郭富城（Aaron），指城城是她由細到大的偶像，當她提到城城最能吸引她的肌肉時，雙眼更發光，充分顯示她對城城的支持，所以在Chrissie心目中城城絕對是永遠的No.1。

James	Gary	張繼聰

雖然Chrissie與陳偉霆（William）的緋聞女友Angelababy鬧不和，但當談到這位「新一代舞王」的身形時，仍大方力讚他舞姿勁力十足！至於最近推出處男寫真的Square，Chrissie表示與他們相熟，早前Square在活動上大騷肌肉，但Chrissie認為四子中以Gary的身形最為吸引。

放大圖片	陳偉霆	放大圖片

郭富城

心跳指數：☆☆☆☆☆

（5個☆為滿分）

「由細到大我都當Aaron係偶像，佢嘅跳舞動作好有勁力，好有自信，我好欣賞佢可以成功搵到屬於自己嘅表演舞台，佢跳舞嘅認真投入程度仲吸引過佢嘅肌肉，總之一個字『靚』！」

Square

心跳指數：☆☆☆☆

「四個根本就係Model身形，點會唔吸引，不過我初初識James嘅時候，佢嘅身形都冇依家咁勁，佢哋當中Gary嘅身形就最大隻！」

張繼聰

心跳指數：☆☆

「佢身形好有爸爸Feel！不過唔緊要，唔使理佢嘅肌肉係點！佢已經係一個爸爸。」

陳偉霆

心跳指數：☆☆☆

「佢好努力，而且係大家認同嘅舞者，佢跳舞好有爆炸力，好欣賞跳舞可以幫到佢事業上嘅發展，同埋佢身形都好Fit好靚，不過始終跳舞時嘅魅力最吸引到我！」

Rocky：操Fit要配合身形

曾任健身教練的香港先生鄭健樂（Rocky）認為完美身形必須合乎比例：「如果練到頸、二頭肌同小腿嘅尺寸一樣就最Perfect，不過完美身形要啱番比例，做Gym唔好太瘋狂，反而要平均啲練，如果練到對腳太粗，睇落去會矮咗，着衫又冇咁靚啦！」