江若琳主演、寰宇電影公司投資的《關人7事》，去年11月開鏡，並排期於今年11月上映。另一部被指題材「極為相似」，由謝安琪主演、美亞電影投資的《死神傻了》則於今年7月才開機，卻搶閘於下月8日上映。

趙碩之和小肥均有份演出《死神傻了》和《關人7事》。 資料圖片

林小明

欲夾日期上映

對此，寰宇老闆林小明相當震怒，炮轟《死》片在構思及演員（如周秀娜、趙碩之、小肥、陳偉霆及鄭融）均與《關》片「極為相似」，他說：「好愕然，有演員問《關》片幾時上，因為《死》片題材相同但下個月上映。今年香港華語片唔夠50部，大把題材，點解會咁？我心中有數，以後唔同呢啲人合作。最唔舒服係打過去美亞，諗住夾番日期上映，佢哋冇覆過我。」該片導演彭發則說：「發現撞得咁應，佢哋7月拍喺我哋之前上，後期都做唔切！」林小明又說：「我哋做宣傳時佢哋又上緊，對觀眾同新演員都好不利，觀眾同一時間點消化兩部戲？我睇吓佢收幾多！」

皆有殺人情節

對於林小明的指控，《死》片監製伍健雄解釋：「唔關事嘅，咁啱啫！唔係刻意。我哋傾到演員期咪拍囉！做生意同投資、發行，邊有傾㗎！（唔夾日子？）冇辦法，唔通夾晒全港其他電影咩？佢係生意人應該明。」導演邱禮濤則表示沒有留意《關》片，故不知對方電影的橋段，至於演員相同只因他們有人氣！而有份參與兩部電影的趙碩之，表示兩片都有殺人情節；小肥則指兩片的角色不同，但大部分演員相同。

文：影視組