陳法蓉（Monica）與歐錦棠早前在舞台劇《霧夜謀殺案》中鬥演技，對於Monica的演出大獲好評，阿棠很替她開心，並自爆最初邀請她時其實毫無把握，他說：「劇團諗咗好耐，都諗唔到邊個可以勝任女主角，我提議搵Monica，於是膽粗粗打畀佢。做舞台劇搵唔到錢，又接唔到其他工作，未必個個都肯，但Monica一口應承，雖然佢未做過舞台劇，但肯虛心嘗試，態度一流！今次有好多入場嘅觀眾都係內地、台灣嘅Monica粉絲，旅遊協會應該頒個獎畀佢！（幾時再合作？）尾場演出後，Monica話想再做，但佢有好多工作喺身，要再夾時間。」
