從9年前第一個舞台劇《很長的Good Morning Miss》開始，「森美小儀歌劇團」每年都有新搞作，最初只是一個暑期作業，與學生演出，至今已踏入第9年，很多小演員已變成專業舞台劇演員，森美說：「今年劇目叫《加樽抽》，以80年代香港做藍本，《加樽抽》代表以前阿媽叫衰仔落街，攞個玻璃樽去雜貨舖買生抽，『加樽抽』係加樽生抽嘅意思。」

扮鬼扮馬的森美小儀，在舞台劇中大放笑彈。	森美小儀合黿交杯，慶祝二人世界的舞台劇成功。	森美正在魚缸撈魚，未知是否為小儀炮製一餐福鱷宴呢。

一連四場的舞台劇由11月13日起假九龍灣Star Hall舉行，與過往不同的是今次只有森小「二人世界」，森美說：「一早諗好明年10周年，回顧過去所有劇目，到時會同過往所有小演員演出。所以今年同小儀『二人世界』，做個真正『森美小儀歌劇團』。」

分飾5角扮一家人

近日小儀因新劇《古靈精探B》中神婆一角而人氣急升，向來愛演戲的她，亦被這次演出「考起」：「我哋希望5個角色同時喺舞台出現，因為得我哋兩個，所以呢場『大場面』會好經典！」他們共分飾一家五口，互相穿梭扮演一家人諷刺城中熱話，森美說：「阿嫲扮o靚模、阿爸變宅男、弟弟玩援交、阿媽溝仔，仲有搞福鱷宴，總之玩晒時下最潮嘅時事。」

化妝： Perfect Stage

髮型： Salon Go Ahead

場地： 鳳城酒家

文：專案組

攝：吳文聰