前港姐吳夏萍的大女賴楨敏（Jacqueline）與細女賴倩敏（Jasmine）都熱愛馬術，她表示兩名女兒小時候已跟隨她餵馬，其後更成為香港賽馬會青少年馬術隊成員，自此她便開始其「阿四生涯」，每次女兒出賽都陪伴在側：「簡直係身心疲累！我好似千手觀音，有三頭六臂咁！」有一次陪女兒赴吉隆坡比賽，令她很難忘：「喺嗰邊行街時，我話啲錢用晒嚟買參賽馬，之後見到一個好鍾意嘅旅行篋都冇買，點知佢兩姊妹秘密用私己錢買嚟送畀我，令我好感動！」
對於Jacqueline本月初在北京奪得《2009全國馬術場地障礙賽》冠軍，她表示這是首次有香港選手勝出，令她格外興奮：「佢希望進軍明年嘅亞運會，為香港爭光！」
