官恩娜（Ella）日前相約助手及工作人員到海洋公園遊玩，她甫到埗即往熊貓館，卻被大批遊客認出，令她寸步難行，惟有急急離開免惹混亂，Ella失望地說：「我連熊貓都未睇到就要走，好慘呀！人哋一心要睇熊貓㗎！」她遂轉戰機動遊戲盡興，玩海盜船時她興奮得高舉雙手，但船停頓時，她突然雙手按胸，一臉辛苦向助手說：「個心跳得好快呀……」嚇得助手即扶她坐下，事後Ella自爆曾患心漏病：「細個已經有呢個病，仲住咗一排醫院，不過依家已經好番！（嚇親助手？）玩啲咁刺激嘅遊戲梗係心跳加速啦！我冇事喎！再玩多次都得！」小休一會，Ella即拉着男工作人員陪她玩過山車，認真貪玩！