張智霖（Chilam）獲邀與胡杏兒合唱，更親自為歌曲國語版《曾經深愛過》填詞，他直指過程痛苦，同時亦為對新碟「有所貢獻」而高興：「係應該付出，因為出碟好個人！」攞獎將是對他這項「個人事業」成功的最好證明，Chilam亦直言得獎是美好的事，但距離年底頒獎禮還有漫漫長路。得獎與否仍是未知之數，但Chilam重踏樂壇的目標非常清晰：「我想開演唱會，已經有晒心理準備，差呢瓣未做過，10場8場都要，總之愈多愈好！」

張智霖再戰樂壇，刻意留鬚加重男人味。

放大圖片

留鬚轉形象

為打造截然不同的形象，Chilam決心「摧毀」其招牌Baby Face：「我專登留鬚，想畀人覺得我成熟咗，唔係又話我似17歲o架啦！」除了外表，Chilam的心態亦有所改變，問到是否因為已成家立室？他直言家庭是責任，亦是生命的一部分，令他學懂對工作的尊重，不再只顧玩樂：「我係Play Hard Work Hard嘅支持者，人係需要玩樂先開心！（唔怕狗仔隊？）唔係好介意，但有啲同行從來冇畀人影過，我都想試吓，最好生活低調、工作高調啦！」

形象：I.T

場地：MegaBox CEO

文：音樂組

攝：司徒國榮