港o靚模紛紛攻日，但有人卻反其道而行，來自香港的孫煒芯（G）在日本發展五年，是當地時裝雜誌《Kera》的專屬模特兒，擁有一班忠實粉絲，今年她決定返港火併o靚模。

孫煒芯是日本時裝雜誌的專屬模特兒，人氣高企。

孫煒芯銳意返港發展，在模特兒界大展拳腳。

被屈整容 搞到脫髮

對G來說，在日本當模特兒，最辛苦並非工作性質，而是工作量及面對的是非。在《Kera》人氣稱冠的她，曾因精神壓力太大而脫髮：「我當時邊讀書邊做模特兒，忙到冇時間瞓覺，試過三日只係瞓兩個鐘，加上日本好多是非，當地有個BBS網，好出名，係一個公眾嘅大型討論區，不過入面講嘅嘢好多都唔係事實，有啲甚至係憑空想像。有啲人會話識得我，同我同校，又講好多關於我嘅嘢，但全部都係假，畀人講得最多就係話我整容，真係令我好大壓力！但又唔可以反擊！」G坦言曾想過放棄，但每次看完粉絲的鼓勵信，就會令她重新振作。