最近為新歌《金剛經》排舞的阿詩，一洗過去強烈的剛陽味，更吩咐助手拍下排舞過程，上載與歌迷分享。跳到大汗疊細汗的她不時要走到鏡頭前整理頭髮，她笑言不怕歌迷看到其辛苦一面：「唔緊要！我都唔係賣樣！依家單靠傳媒宣傳係唔夠，所以將好多嘢擺上網，全世界嘅人都可以睇到！」阿詩坦言經常忙於工作，所以與歌迷利用網上直播室溝通，互相分享苦與樂。

對於近日各大報章版面均被o靚模霸佔，阿詩直指她們的手法古靈精怪，譁眾取寵：「點同o靚模鬥呀？佢哋日日諗啲古靈精怪嘢博版位，我真係唔知點配合！每個人做法唔同，我係長線投資，唔係短炒股。」

進步比見報重要

入行十年的阿詩表示已看化娛樂新聞的運作，期望事業一路進步比每日見報更加重要：「每個藝人都會有自己嘅價值，唔係日日C1先叫有價值！我會選擇將啲心機放落工作上面，希望每次出嚟都畀到大家滿意嘅成績。」

文：音樂組

攝：黎志輝