郭羨妮、徐子珊、黃浩然、曹永廉、黃長興和苑瓊丹等昨日為梁材遠新劇試造型，郭羨妮在劇中飾演污糟邋遢的「車房妹」，卻與黃浩然、曹永廉及黃長興三位猛男有感情戲，問到可擔心傳緋聞？她說：「唔會，我係絕緣體，仲係勁絕緣嗰隻，同埋剪短咗頭髮，成個男仔頭咁！」她揚言十分贊成《萬千星輝頒獎禮》押後至12月才舉行，屆時她剛好完成新劇拍攝，可以悉心打扮出席。

黃長興在劇中會與郭羨妮將有感情戲。

苑瓊丹急急否認存心隱瞞結婚，只是冇人問。

黃長發冇追椋名凜

此外，被踢爆於04年已與億萬富商黃乃揚在賭城註冊結婚的苑瓊丹解畫：「唔係秘密結婚，只係大家冇問，所以冇講啫！唔講係等其他港女有個希望，知仲有我墊底！」提到當年婚禮情況，她笑說：「只係得我哋兩個人，冇親友見證，亦冇巨型婚戒，好實際只係要錢，不過到依家淨係呃咗佢間屋。」她又指不會停工做少奶奶，亦沒有計劃生育。

另外，黃長興對於有指弟弟黃長發狂發短訊追求椋名凜，他說：「佢話冇，我相信佢。（有人博宣傳？）咁就唔知喇！」已退出娛樂圈的阿發現時在餐廳工作，事無大少連洗碗及倒垃圾也要落手落腳，黃長興說：「出嚟做嘢係咩都要做，佢都預咗，以前係好風光，但係都要放埋一邊重新做人。」

文：影視組

攝：攝影組