做足保養工夫

由於一雙美腿經常要展露人前，所以GiGi不敢怠慢，閒時亦會按摩雙腳及前往美容院做護理，她說：「我平時沖完涼會即刻搽潤膚膏，等對腳唔會乾燥！」GiGi亦自爆購買長褲時，經常出現衣不稱身的情況，她說：「我有時出去買褲嗰陣，會覺得啲褲太短，明明好鍾意都着唔到，不過着啲大牌子嘅衫就好少要改！」

雖然個子高挑令GiGi經常有靚衫着，但「鶴立雞群」亦為GiGi帶來煩惱，她說：「我有時出街冇化妝，就算戴晒帽同黑超都畀歌迷一眼認出。」除此之外，過往GiGi拍戲或拍MV，都要特別找一些比自己高的男主角，有時甚至要穿平底鞋遷就高度。