自六月底，周汶錡（Kathy）的法籍男友Julien Lepeu，被拍到偷啜樂壇新人張苡澂後，昨日首度在公開場合露面，出席《莎莎婦女銀袋日》記者會，同場還有諸葛梓岐及鄺美雲。

身穿花花低胸裙的Kathy消瘦了，她解釋久未露面，因忙於在外地工作及放了一個月長假，絕非為避談「偷啜事件」。問到與男友的感情，她說：「隔咗咁耐仲問，我向來好少回應感情事，我哋OK。（唔嬲佢？）仲問！唔想再講，又畀人炒作。（張苡澂成日提起你。）所以我更加唔講。（唔想畀人借來宣傳？）係，男友又唔係圈中人。」

穿上低胸裙的諸葛梓岐表示，現正積極學日文。

鄺美雲（右）獲邀請設計襟針，更以奔騰中的駿馬為設計藍本。

不會為情做傻事

Kathy表示對男友百分百信任，認為「偷啜事件」或被「有心人」安排：「我會叫佢（男友）小心啲，佢比較單純。（佢之前畀人呃？）唔可以咁講。（拖男友出現？）我唔會借感情宣傳。」對於有傳她為情服藥，她說：「我係現代女性，好理智，唔會為愛情做傻事。」其後Kathy主動提起藝人被揭已婚，她說：「如果將來結婚，我唔會刻意講，如果畀傳媒問起，為免騷擾到家人，我都選擇唔講。」